دوستوم ( اسماعیل خرمی )جنابلارینین  شعرینه تاثراتیم / /

یئنی بویلو کتابینی ،

            دای.. آپارما چاپخانیا !

                 ............

کور چاپی چی ! کوت بالتایلا ،

چاپپالیار ائیلیگینی.

یا رحم سیز، سلاخ کیمی ،

        کسه ر ، دوغرار بیلیگینی .

جهره کیمی ، لاخ-لئش دزگاه

بوکه ر تر – تر یارپاقلارین

خیسین-خیسین ، تلسمه د ه ن..

تیسیلدیار ، قولاغینا .

. . . . . . . . .  

دوغار- دوغماز

کورپه سی نین ،یوخوسینا

 زهر قاتار.

معنا دولو ، قوخوسونا

            باریت ئییلی  قهر قاتار .

    .........

قارا بویاقدان باشقا بیر، بویاماقا بویاقی یوخ !!

ایلان کیمی سورونه نلر ،

زهری چوخ ... ! ایاغی یوخ ..!!

یئنی بویلو ، کتابینی !

                   دای ! آپارما .چاپخابیا !

دوشونجه دن بیر چلنگ هوور

سال بوینونا ، بویونباغی .

آلماس دان یون سیرغالارین

پارلاق اولسون گونش کیمی !

دوغوم گونو آل قوینونا

 باس باغرینا

            او اوشاغی ،!!

کوچه لری دولاشکیلان

یورولمادان آختار -  آرا ،

هر قاپیدان ، سووشگیلان .

  . . . . . . . . . . . .

گز دایانما سوروشگیلان...

بیـــــــر گالـــــــری یا  توکانین تاپ.

    تاپشیر رسام اللرینه..

دای !! گورمیه چاپخانانین

                  قارانلیغین..

                                  چاخارلارین.

قارا-قارا ، جیزیقلی نس دیوارلارین.

اینجی میه

قورقوشوملو ، موهورئیله ،

 آغ گوئرچین ، له لکلری .!

قوی اوخشاسین ، فرچاسی ئیلا،

مخمل اوسته قوجا رسام

بزه ک ویرسین ناخیش ، ناخیش

سورمه له سین قاشین – گوزون.

آچیق ماوی بویاقلارلا

آللی-گوللو دولاقلاردان

قورشاخ سالسین آق دونونا.

گورپه-گورپه آداخلانسین.

قوی ! دانیش سین ، تزه گورپه !

بولبول کیمی ، گول چیچک له،

قوی ! اوتدوکجه زامان-زامان

اولولاشیب ، سوزون دئسین.

یاتمیشلاری ، سیلکه له سین

 سن !...

             دئیمه ......!

 قـــــــــوی . . . !

                       یالانلارین . . .

آیاق آلتین ، اویانلارین ،!!

آدین . . . . . . . . . . .  .  .. . . !

     آدین ، ! کیشی قویانلارین !!!

چنه سینده ن .....

                       کیلکه له سین ....

  چنه سینده ن ..

                       کیلکه له سین .

            ــــــــــــــــــــــــــــــــــــــــ